«جىل باسىنان بەرى سۋعا كەتكەن ادامدار سانى 71-دەن 31 ادامعا دەيىن, ياعني, 56 پايىزعا كەمىدى. بيىل 1 قازانعا دەيىنگى ەسەپ بويىنشا وبلىستىڭ سۋ ايدىندارىندا 31 ادامنىڭ سۋدا قازا بولۋ وقيعاسى تىركەلدى, ونىڭ ىشىندە 17-ءسى - بالالار مەن جاسوسپىرىمدەر. شىلدە-تامىز ايىندا ادامداردىڭ كوپ قازا بولۋى سۋ ايدىندارىندا تىركەلىپ وتىر. بۇل ەڭبەك دەمالىسى مەن جازعى دەمالىس كەزەڭىمەن بايلانىستى»,-دەدى دەپارتامەنتتىڭ توتەنشە جاعدايلاردى جويۋ ءبولىمىنىڭ باستىعى نۇرجان اسىبەكوۆ.
ءبولىم باسشىسىنىڭ ايتۋىنشا, وقىس وقيعالاردىڭ نەگىزگى سەبەپتەرى جابدىقتالماعان سۋ ايدىندارىندا سۋعا شومىلۋ, بالالاردىڭ ەرەسەك ادامداردىڭ قاراۋىنسىز قالۋى, سۋداعى قاۋىپسىزدىكتىڭ قاراپايىم قاعيدالارىن بۇزۋ بولىپ وتىر. ەندى كۇن سۋىتسا دا سۋ ايدىندارىنداعى قاۋىپسىزدىك ماسەلەسى ءالى وزەكتى. سەبەبى كۇز بەن قىستا بالىق اۋلاۋ كەزەڭى باستالىپ كەتتى.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
